சித்தர் பாடல்களை ஆழம் வாசிக்கச்
சித்தம் தெளிந்திட உயர்த்தும் பாரு
அத்தர் பூசியும் மணக்காத மனமதில்
அத்தன் சூட்சுமம் காட்டுவார் பாரு
பத்தர் போகர் எனையாளும் குருநாதர்
பித்தம் தீர்த்துப்புடம் போடுவார் பாரு
புத்தர் ராமர் கிருஷ்ணர் வடிவத்தில்
புதுயுகம் தோறும் தோன்றுவார் பாரு
கூத்தர் நடமிடும் தில்லை அம்பலத்தில்
கனிவாய்த் திருமூலரின் சமாதி பாரு
பித்தர் பிறைசூடிய பெம்மான் மனங்கவர்
பதியில் அமர்ந்த சிவகாமியைப் பாரு
முத்தர் முப்பத்தாறை ஏறி நிலைத்தோர்
மாயை வினையறுத்துப் போவார் பாரு
நித்தர் யோகஞான வித்தையைப் பற்றி
நித்திய சதாசிவத்தில் கலப்பார் பாரு!
-எஸ்.சந்திரசேகர்
கருத்துகள் இல்லை:
கருத்துரையிடுக