நெடுங்கால அரசாட்சி!

எகிப்தின் Ra என்கிற ரகுகுல வம்சப் பரம்பரை புகழ்பெற்றது. எகிப்தின் அறியப்பட்ட பேரரசான சீதை-ராமேசர் பார்வோன் பரம்பரை பதினெட்டாம் வம்ச ஆட்சி கிமு1580-1350வரை நீடித்தது என்றும், மன்னர் ஆக்கநாதன், சாகரன் வழியே வந்தபின், ஆக்கநாதனின் மகன் தட்டான் கமணன் பதிமூன்றாம் பார்வேந்தனாக Pharaoh அரசாட்சி செய்தார். ஆக்க நாதனின் நெருங்கிய நண்பரும் பார்வோனுமான மன்னர் தஷ்ரட்டா மிட்டானியின் மன்னராக கிமு 1358-1335 வரை ஆட்சியில் இருந்தார்.

சிறிய வயதினனான கமணன் ஒன்பதாண்டுகள் மட்டுமே அரசாட்சி செய்தார். தன் மாற்றாந்தாய் மகளான அங்கசேனாபதி (எ) அங்கசேனாமணியை மணந்தார் என்று குறிப்பு உள்ளது. அக்காலகட்டத்திலேயே சுமார் இரண்டாயிரம் வருடங்கள் பழமை வாய்ந்த மன்னராட்சியாக அப்பரம்பரை விளங்கியது என்றும், அப்போதே கெய்ரோவில் pyramid என்கிற ஆச்சரியமான பெரியமேடு அமைக்கப்பட்டிருந்தன என்று வரலாற்று ஆசிரியர்கள் எழுதியுள்ளனர். 

கமணனுக்குத் தொடை எலும்பு முறிவும் பிறகு நோய் தொற்றும் ஏற்பட்டு பத்தொன்பதாம் வயதில் வாரிசுகள் இல்லாமல் இறந்ததாகத் தெரிகிறது. அதன்பின் அரசவை ஆலோசகர் ஆய், இந்த அரசி அங்கசேனாவை மணந்துகொண்டு நான்காண்டுகள் ஆட்சி நடத்தினார். இங்குள்ள படத்தில் மன்னர் கமணன், அரசி அங்கசேனாமணி, ராஜமாதா நாகபிராட்டி ஆகியோர் இருப்பதாக அங்குள்ள கல்லறை சுவரோவியம் காட்டுகிறது.

அங்கு பாதாள கல்லறைகளில் பதப்படுத்தி வைத்திருந்த மன்னர்களின் உடலில் என்ன நோய் வந்து இறந்தனர் என்பதைத் தொல்லியல் ஆய்வாளர்கள்/ விஞ்ஞானிகள் கண்டறிந்தனர். தங்கப்பேழையில் நவதானியங்கள் இருந்ததையும் கண்டுள்ளனர். அப்போதே புதுமையாக விவசாயப் பயிர்களைப் புகுத்திவிட்டனர் என்று உறுதி செய்துள்ளனர். 

இன்றும் உத்தர எகிப்தில் நீல நதிக்கரையின் கிழக்கே நாகா-எட்-தீர் என்ற மடாலய கிராமம் உள்ளது. அங்கே ஆயிரக்கணக்கான கல்லறைகள் கிமு3500-650 வரை ஆட்சி செய்த பரம்பரையாளர்களின் உடல்கள் உள்ளன. கடைசியாக முப்பதாம் பரம்பரை ஆட்சி நடக்கும்போது மாவீரன் அலெக்சாண்டர் போரிட்டு கைப்பற்றினான். அந்த எகிப்திய வம்சாவளி சாம்ராஜ்யம் முடிவுக்கு வந்தது.

-எஸ்.சந்திரசேகர்

அபச்சாரம்! 😂

திரு.சாலமன் பாப்பையா, திரு. சிம்சன் ராஜா (எ) பட்டிமன்றம் ராஜா, ஆகியோர் எதைப் பேசினாலும் இனி அது வம்பாகத் திரித்து விடப்படும். 

விருந்தோம்பலில் செட்டிநாட்டு ஸ்பெஷல் சமைத்துப்போட்டு ருசியாகவே இருந்தாலும் "செட்டிநாடா?" என்று இவர்கள் வாய் திறந்து கேட்கக்கூடாது. செட்டியார் என்று புரிந்து கொள்ளப்படும்.

உங்களில் "முதலில் யார் வந்தது?" என்று தப்பித் தவறியும் கேட்கக்கூடாது. முதலியார் என்று காதில் விழும்.

வெளிநாட்டில் செட்டில் ஆகியும்கூட உங்க "பிள்ளை சைவம்" என்பது நல்ல விஷயம் என்று பாராட்டினால் அது குற்றம். ஓஹோ.. சைவப்பிள்ளைனு சூசகமாக சொல்கிறார்.

இத்தனை காலம் பட்டாளத்துல இருந்ததுக்கு 'நாயக்'ரா ஆனதே பெரிய விஷயம் என்று பேசக்கூடாது. ஐய்யோ... கிண்டல் செய்கிற அளவுக்கு நாயக்கர் சாதி கேவலமா?

காலம் போகிற போக்கில் எல்லாமே தப்பும் தவறுமாகத்தான் பார்க்கப்படும். வேண்டாத பொண்டாட்டி கை பட்டால் குற்றம் கால் பட்டால் குற்றம் என்றால் என்ன சொல்ல?

இத்தனை காலம் 'நாயக்'ரா பட்டாளத்துல வேலைல இருந்ததே பெரிய விஷயம் என்று பேசக்கூடாது. ஐய்யோ... கிண்டல் செய்கிற அளவுக்கு நாயக்கர் சாதி கேவலமா?

காலம் போகிற போக்கில் எல்லாமே தப்பும் தவறுமாகத்தான் பார்க்கப்படும். வேண்டாத பொண்டாட்டி கை பட்டால் குற்றம் கால் பட்டால் குற்றம் என்றால் என்ன சொல்ல?

அப்படியே 'என்ன சாதி' என்று கேட்டால்தான் என்ன? ஒரு தவறுமில்லை! ஒவ்வொரு சாதிக்கும் ஒரு தொல் பாரம்பரியம் உண்டு. அவர்களிடம் நாம் கற்றுத் தெரிந்துகொள்ள வேண்டிய சிறப்பம்சம் இருக்கும். சாதியைப் பார்த்துத்தான் இவங்கெல்லாம் பழகுவாங்க போலிருக்கு என்று நம்முடைய சமுதாயத்தில் எப்போதுமே ஒரு பொதுவான கருத்து உண்டு. அவரவர் தனிப்பட்ட கடந்தகால அனுபவத்தைப் பொறுத்தே கேள்விகளின் நோக்கமும் புரிந்து கொள்வதும்  நிலைக்கும். கேட்டாலே குற்றம் என்றால் அது காணும் விகல்பமான பார்வையில்தான் உள்ளது..

-எஸ்.சந்திரசேகர்

வினையில் பங்கு கொள்வோம்!

 திருத்தப்பட்ட இறுதி வாக்காளர் பட்டியல் இந்த மாதம் வெளிவருகிறது. வரவுள்ள தேர்தலில் எந்தெந்த கட்சிகள் கூட்டணியில் உள்ளன என்பதைத் தேடிப் பார்த்தேன். அதில் பல கட்சிகளின் பெயர்களை இதுவரை நான் எங்கும் கேள்விப்பட்டதே இல்லை. 🥺 ஓ... இப்படியெல்லாம்கூட கட்சி இருக்கா என்று நினைத்துக்கொண்டேன்.

வேட்பாளர்களாக நிற்பது சுலபம். ஆனால் வாக்காளர்களுக்குத்தான் பொறுப்பு அதிகம். நமக்கு விருப்பமான ஒரு கட்சியில் நிற்கும் யாரோ ஒரு புதுமுக வேட்பாளர் யோக்கிய சிகாமணியா இல்லையா என எதுவுமே தெரியாது. அதே சமயம் நாமறிந்த சுமாரான நேர்மை நடத்தையை உடைய வேட்பாளர் விதி வசத்தால் திருட்டுக் கூட்டணி கட்சியில் நின்றால் என்ன செய்ய? நமக்குத்தான் திண்டாட்டம்! இந்த லட்சணத்தில் ஒரு குடும்பத்தில் இத்தனை பேர் வாக்குகளுக்கு இவ்வளவு பணம் என்று கொடுத்தால், அவன் கர்மாவைத் துணிந்து வாங்கிக்கொள்வது போலாகும்.

அயோக்கியக் கட்சித்தலைமை வெற்றிபெற வைக்க வேண்டும் என்றால் அவனுடைய ஆட்சிக்காலத்தில் நடக்கும் எல்லா கொலை/ கொள்ளை/அதர்மச்செயல்களில் நமக்கும் பங்குண்டு. வென்று அதர்மங்கள் புரிந்திட முழு ஆதரவு தந்தால் அந்தக் குற்றங்களில் 0.1% அளவேனும் நம்முடைய ஊழ்வினைக் கணக்கில் வந்து சேரும். ஆம், இதைப்பற்றி ஆழமாக யாரும் சிந்தித்துப் பார்த்திருக்க மாட்டார்கள். ஆனால் சத்தியமான உண்மை!சித்தர் பிரான் உரைக்கும் பாவப்பட்டியலில் இதுவும் உண்டு. 

வாக்குரிமை நம்முடைய ஜனநாயகக் கடமை என்பது உண்மைதான். ஆனால் அது தீட்டிய கத்தியாக உள்ளதே! அட ஆண்டவா, இது என்ன சோதனை?

-எஸ்.சந்திரசேகர்

Generation Z

 முந்தைய தலைமுறையினர் பெற்றிருந்த மதி நுட்பமும் மூளைத்திறனும் இக்காலத் தலைமுறையினர்க்கு இல்லை என்பது நாம் ஏற்கனவே அறிந்ததுதான். ஆனால் இந்த நிலை உலகெங்கும் உள்ளது என்பதுதான் கவலைக்குரிய செய்தி.

நவீனகால முன்னேற்றமும் பாரம்பரியமான குணாதிசயங்கள் மறைந்து போவதும் இதன் காரணிகளாக விளைவுகளாக உள்ளன. கடந்த நாற்பது ஆண்டுகளாக வாழ்க்கை முறை மாறிப்போனது, புதிய நோய்கள் மருந்துகள் உலா வரத்தொடங்கியது, பல நூறு ஆண்டுகளாக இருந்த அந்தந்த வம்ச பாரம்பரியம் கற்பிக்கப்படாமலே போனது, வெவ்வேறு மதங்களில் சாதிகளில் கலப்பு மணங்கள் சர்வசாதாரணமாகப் போனது, வேற்று மரபணுக்கள் வம்சத்தில் நுழைந்து தொல் அறிவுத்திறனை மந்தமாக்கியது,  மனக்கணக்கு என்ற சூத்திரம் தொலைந்தது, தொட்டதற்கெல்லாம் கணினி மொபைல் AI எப்போது வந்ததோ, எல்லா பழக்கங்களும் பாழாய்ப் போனது. 

முன்பெல்லாம் கல்லூரி முடிக்கும்போதுதான் நாங்கள் கால்குலேட்டர் பயன்படுத்த அனுமதிக்கப்பட்டோம். விநாடி வினா, குறுக்கெழுத்து, கட்டுரைப்போட்டி, ஒப்பித்தல் இருந்தன. இயற்பியல் சூத்திரங்களைப் போட்டுப் பார்க்க Logarithm table மட்டும்தான் முதுகலைவரை பயன்படுத்த எங்கள் ஆசிரியர்கள் கட்டாயப்படுத்தினர். அதை வைத்துத்தான் நாங்கள் கால்குலேஷன் போட்டோம் என்பதை நிரூபிப்பதற்காக விடைத்தாளின் ஓரத்தில் கோடு போட்டு கணக்கு வழிகளை எழுதியிருக்க வேண்டும்.

நாம் கற்றுத்தேர்ந்த அறிவுப்புலம் வெறும் 20% என்றால் Gen Z தலைமுறையினர் திறன் இன்னும் தேய்ந்து போயிருக்கும். எங்கோ விதிவிலக்காகச் சிலர் மட்டும் பிரகாசமாய் வருகின்றனர். "அடடே, இந்தக்காலத்து குழந்தைகள் எல்லாம் என்ன சூட்டிகையா இருக்கு!" என்று எதையோ பார்த்து மெச்சி ஏமாந்து போகின்றனர்.

ஒரு முறை, ஐன்ஸ்டீனைச் சந்தித்த நடிகை மர்லின் மன்றோ, "நாம் திருமணம் செய்து கொண்டால் நமக்குப் பிறக்கும் குழந்தை என் அழகோடும் உங்கள் அறிவோடும் பிறக்கும்" என்றாராம். அதற்கு விஞ்ஞானி ஐன்ஸ்டீன், " உங்கள் அறிவோடும் என் அழகோடும் பிறந்துவிட்டால் என்ன செய்வது?" என்று நையாண்டி செய்தாராம்.

-எஸ்.சந்திரசேகர்

Goodbye, British Council Library!

The British Council Library, situated behind the Devaneya Paavaanar LLA Building opposite TVS Motors on Anna Salai had been more than a landmark in my life. I took an annual membership of Rs.550 for almost six years to access books. The library with catalogued numerous physical stock of books on shelves was next important to my alma mater.

Travelling all the way from Besant Nagar on the route bus 23C, I remember having borrowed a maximum of four books at a time and sometimes sought an extension of the date of return. I really enjoyed the screening of films at the preview theatre, the art exhibition, and speeches. ELTS language certification sessions for students happened frequently. Since it was not the internet era of emails or mobile WhatsApp, all events were promptly notified in advance through advertisements in the English daily.

Besides a massive physical library, four centre cubicles with a headphone set fixed to the chair were allotted to watch video books. Off the exit gate along the shady bylane adjacent to LLA, sometimes I halted to sip tender coconut. With an energised state, I crossed the arterial road to reach the bus stop.

Today I came to know that BCL is soon to shut down its physical library and vacate the current premises by the end of February. It is to operate a digital library elsewhere. It seems in the recently concluded Chennai book fair, all books were sold at throw away prices at the British Council stall.

No doubt, many like me would have benefited. It was a perfect alternative to my college department library to refer and borrow unaffordable books. The British Council Library will always remain in my memory to revive nostalgia. Some non-avid readers may think, 'after all a library, what is there to reminisce and describe as something special?'

-S.Chandrasekar

Announcement , அறிவிப்பு

This is to inform readers and publishers that I have withdrawn the publishing rights of my book போகர் 7000: சப்தகாண்டம் ஒரு பார்வை from Leo Book Publishers, Chennai.

-S.Chandrasekar

 ---------- ---------- --------- 

Copyright Withdrawal: Author S. Chandrasekar has withdrawn the publishing rights for 'Bogar 7000: Sapthakandam oru paarvai' (Tamil) from Leo Book Publishers. 

Effective Date: The withdrawal of rights is effective from January 2026. 

Reason: The action was taken by the author due to the non-payment of royalties by the publisher. 

Context: This specific edition by S. Chandrasekar (first edition 2014 and multiple editions/reprints in successive years) is affected, it is important to note that as of January 2026, Leo Book Publishers is no longer authorized to publish or sell this specific work by S. Chandrasekar. The full copyright and distribution rights revert to the author.

ராயல்டி செலுத்தாததால், லியோ புத்தக வெளியீட்டாளர்களிடமிருந்து 'போகர் 7000: சப்தகண்டம் ஒரு பார்வை' (தமிழ்) புத்தகத்தின் வெளியீட்டு உரிமையை எழுத்தாளர் எஸ். சந்திரசேகர் திரும்பப் பெற்றுள்ளார், இது ஜனவரி 2026 முதல் அமலுக்கு வருகிறது.

இப்புத்தகத்தின் முதற்பதிப்பு 2014 ஆம் ஆண்டு வெளிவந்தது. அதன்பிறகு இந்நாள்வரை பல மறுபதிப்புகள் ஆயின. லியோ புத்தக வெளியீட்டாளர்கள் மேற்கண்ட புத்தகத்தை இனி எவ்வகையிலும் பதிப்பித்து விற்க விநியோகிக்க அனுமதியில்லை. இப்புத்தகத்தின் பதிப்புரிமை மற்றும் விநியோக உரிமையை ஆசிரியர் திரும்பப் பெற்றார் என்று இதன் வாயிலாக அறிவிக்கப்படுகிறது. 

- எஸ்.சந்திரசேகர்

கருப்பங்கொல்லை

 பெரும்பாலும் மார்கழி/ தை மாதங்களில் கரும்பு அறுவடை ஆகிவிடும். பொங்கலுக்கு ஒரு வாரம் முன்பே சந்தையில் விற்பனைக்கு வந்துவிடும். சித்திரையில் விரல் நீளமான கரும்புக்கரணைகள் நடப்பட்டு, சுமார் 10-12 மாதங்களில் அவை முதிர்ச்சியடைந்து  அறுவடைக்குத் தயாராகும். அதை வயலில் இருந்து பிடுங்கி அடுக்கி வைக்கும்போது அதிலிருந்து எழும் சர்க்கரை மணம் மிக அலாதியானது. சில சமயம் வெட்டும்போது கமகமவென நம் நாசிக்கு எட்டும். 

உடனே அது என்னை என் பால பருவத்து நினைவுக்கு இட்டுச்செல்லும். அங்கேயே சிவனே என கண்மூடி கரும்புகளின் நடுவே அமைதியாக உட்கார்ந்துவிட்டால் அது என் பூர்வஜன்ம நினைவுகளையே மீட்டெடுக்கும் சக்தி பெற்றதாக இருக்கும். மணக்கும் காற்று சுகமான நித்திரையை உண்டாக்கி மயக்கும். கரும்புத் தோகையின் வாசமும் விதிவிலக்கல்ல. காய்ந்து விழுந்தவைகளை நிலத்தில் தீயிட்டுக் கொளுத்தி அணைந்த பிறகு நிலவும் அலாதியான புகை வாசம் எனக்குப் பிடிக்கும். ஆன்மா இறைவனுடன் சங்கமித்தது போன்ற உணர்வு வருவது உறுதி. உங்களுக்கும் இதுபோன்ற நல்ல அனுபவம் ஏற்பட்டிருக்கலாம்.

தாத்தா விபூதி சித்தர் சமாதி பீடத்தின் இருபுறமும் நான் பார்த்தவரை மஞ்சள் மற்றும் கரும்பு நடவு செய்யப்படுகின்றன.

-எஸ்.சந்திரசேகர்

மெய்ஞானப் பொங்கல்!

 சித்தர் பாடல்கள் எல்லாம் மேலோட்டமாகப் புரிந்துகொள்ளக்கூடிய எளிமையுடனும், அதேசமயம் மறைப்பு நிறைந்த ஆழமான மெய்ஞானப் பொருள் தரும் பாடலாகவும் இருக்கும். ஒவ்வொரு சித்தர் எடுத்துரைக்கும் பாங்கும், பாணியும், விவரிக்கும் பொருளும் தனி முத்திரையைப் பதிக்கும்.

அப்படியொரு வகைதான் அழுகணிச் சித்தரின் பாடல்கள். கோரக்கரின் சீடர்களில் ஒருவரும் பொற்கொல்லரான அவர் அழகு அணிகளைச் செய்தவர் என்பதால் அழகணிச்சித்தர் என்றும்; மக்களுக்கு மெய்ஞானம் உணர்த்திட கண்களில் கண்ணீரோடு அழுதபடி பாடியதால் அழுகண்ணி என்ற பெயர் வந்தது என்றும், இருவிதமான பெயர்க் காரணங்கள் உண்டு.

உதாரணத்திற்கு இங்கே ஒரு பாடல் தந்துள்ளேன். இதைப் படிக்கும்போது “ஆஹா, சுவையான சர்க்கரைப்பொங்கல் செய்ய நல்ல ரெசிபி தந்துள்ளார் போல. ஆடி முதல் மார்கழி வரை நீடிக்கும் சம்பா பருவத்தின் நெல்லை அரிசியாக்கி அதைச் சமைத்து, பொங்கிய சாதத்தில் உழக்கு நெய் ஊற்றி, குழையாமலும் நறுக்கரிசியாகாவும் இல்லாமல் முத்து முத்தாய் வரும்போது அதில் மா பலா வாழை சர்க்கரையும் சேர்த்தால் தேனாமிர்தமாக இருக்கும். அதை உண்டு களைப்பாற வேண்டியதுதான்” என்று நினைக்கத் தோன்றும்.

ஆனால் இதில் ஓடும் மூச்சைப்பற்றியும் வாசியோகத்தையும் உணர்த்தும் மெய்ப்பொருள் உள்ளது என்பது மறைப்பாக உணர்த்தப்பட்ட சங்கதி. உயர்வான ரகம் யோனியைத் தேர்ந்தெடுத்து அகப்பைச் சட்டியில் பூரணமாகக் கரு சமைக்கப்பெற்று மனிதப்பிறவி வருகிறது. அந்த உடலில் உள்ளே வெளியே ரேசகம்/ பூரகம்/ கும்பகம் முறையில் பிராணாயாமம் உழக்குழக்காக உள்ளே ஓடுகிறது. இந்த மூச்சுக்காற்று இடகலை/ பிங்கலை/ சுழுமுனை வழியே முக்கனியாக ஓடி, முத்து போன்ற ஆக்ஞா பிரம்மரந்திர வாசல் துளையை வாசிக்கால் தாண்டினால் அங்கே மேலே கபால பீடத்திலிருந்து தேனாமிர்தம் சிந்தும். அதை உண்டால் களைப்பேதும் வராது, யோகசமாதியில் அமர்ந்திட சக்தி கிட்டும் என்ற பொருளில் அமைந்ததாக யோகிகள் சொல்வதுண்டு.

சித்த மரபில் சீடர்களாக இருந்தோ, ஒரு வாசி யோகியிடம் மாணவராக இருந்தோ இப்பாடல்களை எல்லாம் பிசிறு இல்லாமல் கற்றுக்கொண்டால் மட்டுமே மெய்ப்பொருள் அறிய முடியும். இல்லாவிட்டால் நாம் என்னத்தைக் கண்டோம்?

சொல்லப்பட்ட விஷயம் என்னவோ எல்லா சித்தர்களும் உணர்த்தும் ஒரே பொருள்தான். ஆனால் அவர் விவரிக்கும் விதமும் கையாளும் சொற்களும் சிவவாக்கியார் பாடலைப்போன்றே நம்மைக் குழப்பி அதன் உண்மைப் பொருளை அறியமுடியாமல் தவறான விளக்கத்தைப் பரப்பச்செய்யும். 

- எஸ்.சந்திரசேகர்

பரமரகசியம்!

ஓம் நமசிவாய 🕉️ 🌿 

சந்திரமௌலி

சந்திரமோகன்

சந்திரஹாசன்

சந்திரசூடன் 

சந்திரவதனன்

சந்திரசேகர் 

இப்பெயர்கள் என்ன? என் முற்பிறவிகள் முதல் இப்பிறவிவரை அந்தந்தப் பிறவியில் பெற்றோர் எனக்குச் சூட்டிய நாமகரணம். 5-6 ஆம் நூற்றாண்டில் குரு போகரின் அன்பான பராமரிப்பில் அடியேன் இருந்தபோது என் பெயர் சந்திரமௌலி. அன்று முதல் அவர் தன் இடக்கையால் என் வலக்கையை இறுகப் பற்றியே வருவது என்பது ஸ்ரீ கிருஷ்ணர் - அர்ஜுனன் உறவை நினைவூட்டியது. 

சந்திரமௌலி என்ற பெயர்தான் அவருக்கும் பிடித்தமான பெயரென்று அண்மையில் அறிந்தேன். இப்பிறவியில் பிரதோஷம் அன்று மதியத்திற்குப்பின் பிறந்த எனக்கு நாமகரணம் செய்யுமன்று சந்திரமௌலி/ சந்திரசேகர் என்ற இந்த இரண்டில் ஒன்றுதான் முடிவானதாம். ஆக பெயர் தேர்வானதும்கூட இறைவன் திருவுளப்படியே நடந்துள்ளது.

போகர் முதல் கண்ணப்ப நாயனார்வரை குருமார்கள் பிறவி தோறும் அமைந்தனர் என்பது பெரும் பேறு. பிரம்ம ரகசியத்தை அறிந்து கொண்டதில் மகிழ்ச்சி. 1500 வருடங்களுக்கு முன் குரு போகநாதரிடம் எப்படி வந்து சேர்ந்தேன்? அதை இன்னும் எனக்குத் தெரியப்படுத்தவில்லை. தெரிந்தபின் சொல்கிறேன். சிவசித்தம் 🙏

-எஸ்.சந்திரசேகர்

எலும்புகளுக்கு அருமருந்து!

எலும்பு ஒட்டி மூலிகைச் செடி இன்று கண்ணில் பட்டது. காட்டு ஆமணக்கு வளர்ந்திருந்த புதரில் இதுவும் செழித்து வளர்ந்திருந்தது. காலி நிலத்தில் எதோ களைச் செடிகள் என்று நினைத்து விட்டு வைத்திருப்பார்கள். இலை அமைப்பைப் பார்த்தால் முருங்கைக் கீரையைப் போலவே இருக்கும்.

கை/ கால் உடைந்த எலும்புப் பகுதியில் விளக்கெண்ணெய் தேய்த்து எலும்பைச் சரியான நிலையில் வைத்துப் பொருத்தி, இலைகளை முட்டையின் வெள்ளைக் கருவுடன் அரைத்து அந்தப் பகுதியில் வெளிப்பூச்சு தந்தால் பத்தே நாளில் எலும்புகள் ஒட்டிக்கொள்ளும். அசையாமல் வைக்க மேலும் கீழும் மூங்கில் குச்சியை வைத்து அதன்மீது துணியைக் கட்டி, அதைச் சுற்றியும் கருப்பு உளுத்தம் மாவுடன் சேர்த்து அரைத்த இலைப் பூச்சைப் பூசிவர குணமாகும். சுண்ணாம்பு சத்து நிறைந்த இச்செடியின் கசப்பான இலைகளைத் தைலமாகவும், கஷாயமாகவும் பயன் படுத்தலாம்.

சுண்ணாம்பு சத்து உடலில் அதிகரிக்க நம் உணவுதான் மருந்து. முருங்கை பிரண்டை முடக்கறுத்தான் ராகி நெல்லி பூசணி என பல உண்டு.

-எஸ்.சந்திரசேகர்