"சீனபதி பக்கம் (தைவான்) தீவுப் பகுதிகளின் அருகில் சர்வ ஜாகிரதையாக கப்பல் விடவேண்டும். எப்போது (typhoon) சூறாவளி வீசி கப்பலை புரட்டிபோடும் என்று கணிக்கமுடியாது. விரைந்து அடிக்கும் அந்த வாயு சீற்றத்தால் கடலில் சுழல் எழ, பறவைகளும் நீரில் மடிந்து விழும். இந்த சீற்றத்தால் நீராவிகப்பல் செல்ல தடமின்றிப் போகும். அதில் சிக்கிக்கொள்ளாமல், விடுபட்டு ஆகாய அக்னிக்கூண்டு (hot air baloon) அமைத்து, அதில் பறந்துபோய் பச்சை மலை தீவில் இறங்கிடவேண்டும்.
அதுபோல் கடலுக்கடியில் குன்றுகள் மறைந்திருக்கும். மோதினால் கப்பல் நொறுங்கும். அதில் மோதாமல் இருக்க, கப்பலின் முன்பகுதியில் கண்ணாடிக்கை தொலைநோக்கியை (underwater telescope) நீருக்குள் பொருத்திவைத்து ஆழத்தில் என்னவுள்ளது என பார்த்துக்கொண்டே எச்சரிக்கையுடன் மரக்கலம் செலுத்த வேண்டும். இப்படியே ஒதுங்கி போய் நங்கூரமிட்டு நிறுத்தியபின். கூண்டமைத்துப் பறந்து போய் பச்சை மலையில் இறங்கிடவேண்டும்.
அங்கு பச்சை கல்லையும், சிலாசத், பூநீர் வஸ்துக்களை சேகரித்து கவனமாக மேலெழும்பி நம் பதிக்கு திரும்பிட வேண்டும். அங்கு ஊரென்று ஒன்றுமில்லை. வட கோடியில் ஒரு ஆஸ்ரமத்தில் கரடிமுடி ரோமத்தால் படர்ந்திருந்த 'கம்பளிச்சித்தர்' ஒருவர் பொன்னுலக சித்தராக ஒளிவீசினார். எனக்கு உபதேசங்கள் தந்தார்."
பசிபிக் பெருங்கடலில் எப்போதுமே ஆடி-புரட்டாசி வரை டைஃபூன் (ஜூன்--அக்டோபர்) சூறாவளி நீடிக்கும். அப்போது அந்த வழித்தடத்தை கப்பல்களும் விமானங்களும் பயன்படுத்தாது. போகர் காலத்திலும் இயற்கையின் குணாதிசயங்கள் மாறாமல் இருந்துள்ளது! என்ன நண்பர்களே... விஞ்ஞான சித்தர் போகரின் செயல்களைப் பார்த்து அசந்து போகிறீர்களா? அவர் பெருமைகளைப் பற்றி அளந்து சொல்லி மாளாது... அகணிதர்!
"போகர் ஏழாயிரம்: சப்தகாண்டம் ஒரு பார்வை" (Leo Book Publishers, Chennai) என்ற என் விளக்கவுரை நூலிலிருந்து சிறு பகுதியை மேலே படித்தீர்கள்.
கருத்துகள் இல்லை:
கருத்துரையிடுக